ಪುನರ್ಪುಳಿ (Kokum): ಆರೋಗ್ಯ ಮತ್ತು ರುಚಿಯ ಸಂಗಮ - ಕೃಷಿ ಮತ್ತು ಉಪಯೋಗಗಳು (Punarpuli Farming & Benefits)

ಮನೆಯಲ್ಲಿ ಈ ಹಣ್ಣಿನ ಮರವಿದ್ದರೆ ಸಾಕು, ಅತಿಥಿ ಸತ್ಕಾರಕ್ಕೆ ಬೇರೇನೂ ಬೇಕಿಲ್ಲ! ಅದೇ ನಮ್ಮ ಕರಾವಳಿಯ ಹೆಮ್ಮೆಯ ಪುನರ್ಪುಳಿ (Kokum).

ಇದನ್ನು ಅಡುಗೆಯಲ್ಲಿ 🍲 ಹುಳಿಗಾಗಿ ಬಳಸಬಹುದು. ಹಾಗೆಯೇ ದೇಹದ ಉಲ್ಲಾಸಕ್ಕಾಗಿ ನೀವು ಉತ್ತಮ ಶರಬತ್ತು ಕೂಡ ತಯಾರಿಸಬಹುದು. ಪುನರ್ಪುಳಿ, ಮ್ಯಾಂಗೋಸ್ಟೀನ್ (ಗಾರ್ಸಿನಿಯಾ ಕುಟುಂಬ) ಮತ್ತು ಹುಣಸೆಹಣ್ಣು ಒಂದೇ ಜಾತಿಯ ಸಸ್ಯವರ್ಗಕ್ಕೆ ಸೇರಿವೆ. ಕರ್ನಾಟಕದಿಂದ ಮಹಾರಾಷ್ಟ್ರದವರೆಗಿನ ಕೊಂಕಣ ತೀರದಲ್ಲಿ ಹುಟ್ಟಿದ ಇದು, ಕೊಂಕಣ ಪ್ರದೇಶದಲ್ಲಿ ಅತಿ ಹೆಚ್ಚು ಬೇಡಿಕೆಯಿರುವ ಹಣ್ಣಾಗಿದೆ. ಅಡುಗೆಯಲ್ಲಿ ಹುಣಸೆಹಣ್ಣಿನಂತೆಯೇ ಇದಕ್ಕೆ ಪ್ರಥಮ ಸ್ಥಾನವಿದೆ.

ಪುನರ್ಪುಳಿಯ ಉಪಯೋಗಗಳು (Uses of Kokum)

ಕರ್ನಾಟಕ, ಗೋವಾ, ಮಹಾರಾಷ್ಟ್ರ ಮತ್ತು ಗುಜರಾತ್‌ನಲ್ಲಿ ಇದರ ಕಡು ಕೆಂಪು ಬಣ್ಣದ ಶರಬತ್ತು ಬಹಳ ಜನಪ್ರಿಯವಾಗಿದೆ. ಇದು ದೇಹವನ್ನು ತಂಪಾಗಿಸುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ.

• ಬಿಸಿಲಿನಲ್ಲಿ ಒಣಗಿಸಿದ ಇದರ ಸಿಪ್ಪೆಯನ್ನು ದೀರ್ಘಕಾಲದವರೆಗೆ ಸಂಗ್ರಹಿಸಬಹುದು ಮತ್ತು ಅಡುಗೆಯಲ್ಲಿ ಬಳಸಬಹುದು.
• ಒಣಗಿದ ಸಿಪ್ಪೆಯನ್ನು ಎರಡು ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ, ನಂತರ ಕೆಂಪು ಪಾನೀಯ (Juice) ಮಾಡಿ ಕುಡಿದರೆ ಪಿತ್ತ ಮತ್ತು ಸಂಧಿವಾತಕ್ಕೆ ಒಳ್ಳೆಯದು.
• ಮಂಗಳೂರು ಭಾಗದ ಜನರು ಈ ಪಾನೀಯವನ್ನು ಹೆಚ್ಚು ಇಷ್ಟಪಡುತ್ತಾರೆ. ಒಮ್ಮೆ ಬಳಸಿದ ಒಣ ಸಿಪ್ಪೆಯನ್ನು ಮತ್ತೆ ಮೂರು ಅಥವಾ ನಾಲ್ಕು ಬಾರಿ ಈ ಪಾನೀಯಕ್ಕೆ ಬಳಸಬಹುದು ಎಂಬುದು ಇದರ ವಿಶೇಷ.
• ಇದರ ಬೀಜಗಳಿಂದ ತೆಗೆದ ಎಣ್ಣೆ / ಬೆಣ್ಣೆಯು (Kokum Butter) ಹೆಚ್ಚಿನ ಕೈಗಾರಿಕಾ ಪ್ರಾಮುಖ್ಯತೆಯನ್ನು ಹೊಂದಿದೆ.

ಇದನ್ನೂ ಓದಿ (Also Read): 👉 ಅಡಿಕೆ ಕೃಷಿ ಸಂಪೂರ್ಣ ಮಾಹಿತಿ: ತೋಟದ ನಿರ್ವಹಣೆ ಮತ್ತು ಅಧಿಕ ಲಾಭ ಗಳಿಸುವ ವಿಧಾನಗಳು - Arecanut Farming

ಆರೋಗ್ಯದ ಆಗರ (Health Benefits)

ಇದು ಗಾರ್ಸಿನಿಯಾ ವರ್ಗದ ಔಷಧೀಯ ಗುಣ ಮತ್ತು ಪೌಷ್ಟಿಕಾಂಶದ ಅತಿ ವಿಶೇಷ ಹಣ್ಣಾಗಿದೆ.

• ಹೃದಯದ ಆರೋಗ್ಯ: ಇದು ಬೊಜ್ಜು (Obesity) ಮತ್ತು ಕೊಲೆಸ್ಟ್ರಾಲ್ ನಿಯಂತ್ರಿಸಲು ಸಹಕಾರಿ.
• ರೋಗನಿರೋಧಕ ಶಕ್ತಿ: ಇದರಲ್ಲಿರುವ ಆಂಟಿ-ಆಕ್ಸಿಡೆಂಟ್‌ಗಳು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ.
• ಯಕೃತ್ತಿನ ರಕ್ಷಣೆ: ಲಿವರ್ ಆರೋಗ್ಯವನ್ನು ಕಾಪಾಡಲು ಮತ್ತು ಅಲ್ಸರ್ (Ulcer) ಗುಣಪಡಿಸಲು ಇದು ಸಹಕಾರಿ.

ಮರದ ವಿಶೇಷತೆಗಳು

ಪುನರ್ಪುಳಿ ಹಣ್ಣಿನ ರುಚಿ ತಿಳಿ ಸಿಹಿ ಮಿಶ್ರಿತ ಮತ್ತು ಹುಳಿಯಾಗಿರುತ್ತದೆ. ಇಂಚೂ ಹುಳಿ ಇಲ್ಲದ ಸಿಹಿ "ಸ್ವೀಟ್ ಪುನರ್ಪುಳಿ" ಎಂಬ ವಿಧವೂ, ಹಳದಿ ಬಣ್ಣದ ಹಣ್ಣಿನ ವಿಧವೂ ಮತ್ತು ಕೆಂಪು ಬಣ್ಣದ ಹಣ್ಣಿನ ವಿಧವೂ ಪ್ರಚಾರದಲ್ಲಿದೆ.

ಇದು ಮಧ್ಯಮ ಗಾತ್ರದ ನಿತ್ಯಹರಿದ್ವರ್ಣ ಮರವಾಗಿದ್ದು, ಎಳೆಯ ಎಲೆಗಳು ಕೆಂಪು ಬಣ್ಣದಿಂದಲೂ, ಬಲಿತ ಎಲೆಗಳು ಕಡು ಹಸಿರು ಬಣ್ಣದಿಂದಲೂ ಕೂಡಿ ಅಲಂಕಾರಿಕ ಮರವಾಗಿಯೂ ಬೆಳೆಸಬಹುದು. ಬೀಜದಿಂದ ಮೊಳಕೆ ಬಂದ ಸಸಿ ಕೆಲವೊಮ್ಮೆ ಗಂಡು ಅಥವಾ ಹೆಣ್ಣು ಆಗಿರಬಹುದು. ಹೆಣ್ಣು ಮರ ಮಾತ್ರ ಫಲ ನೀಡುತ್ತದೆ.

ಮುಖ್ಯ ಗಮನಕ್ಕೆ: ಮುಂದಿನ ದಿನಗಳಲ್ಲಿ ಮೀನಿನ ಸಾರಿಗೆ ಅಥವಾ ಅಡುಗೆಗೆ ಬಳಸಲು ರಾಸಾಯನಿಕಯುಕ್ತ ಹುಳಿಗಳ ಮೊರೆ ಹೋಗುವ ಬದಲು, ಇಂದೇ ನಿಮ್ಮ ಮನೆಯ ಹಿತ್ತಲಿನಲ್ಲಿ ಒಂದು ಹುಣಸೆ ಗಿಡ ಅಥವಾ ಪುನರ್ಪುಳಿ ಸಸಿಗಳನ್ನು ನೆಡಲು ಪ್ರಯತ್ನಿಸಿ. ಆರೋಗ್ಯವೇ ಭಾಗ್ಯ! 🌿